Acompañámoste na toma de decisións clave para mellorar a produtividade, organizar mellor os traballos diarios e adaptar os recursos dispoñibles ás necesidades reais da explotación.
Axudámosche a planificar quendas, xestionar tempos de descanso, optimizar a alimentación, ou mellorar os protocolos de hixiene e benestar animal.
O noso obxectivo é que o día a día da túa granxa sexa máis eficiente, sostible e doado de levar.
Instalar un robot de muxido é só o primeiro paso. O verdadeiro reto chega cando as vacas deben adaptarse á nova rutina de ordeño automático.
En Servicios Ganaderos VG ofrecemos un servizo integral de acompañamento durante todo o proceso de posta en marcha do sistema.
Traballamos con calquera modelo do mercado (GEA, DeLaval, BouMatic, Lely, entre outros) e axudamos ás vacas a adaptarse de forma progresiva, reducindo o estrés e garantindo un funcionamento óptimo do equipo.
Organizamos a rutina da granxa xunto co gandeiro ata que o sistema acada o seu rendemento completo. Todo cun prezo pechado, sen gastos ocultos nin sorpresas.
Se estás a dar o paso ao muxido automático, comeza con garantías.
Contamos con persoal especializado para facer unha campaña de ensilado rápida, segura e organizada. Encargámonos da recollida e picado da herba ou millo, asegurando un enchido homoxéneo e unha compactación axeitada do silo.
Así garantimos unha conservación óptima e un forraxe de alta calidade para alimentar ao gando durante todo o ano.
Realizamos traballos de limpeza, desbroce e mantemento de parcelas. Eliminamos maleza, silvas e restos vexetais para recuperar a utilidade do terreo e previr pragas ou incendios.
O resultado: un espazo máis limpo, aproveitable e preparado para o seu seguinte uso.
Ofrecemos solucións de peche a medida para garantir a seguridade do gando e a protección das parcelas.
Traballamos con diferentes materiais e sistemas (pastores eléctricos, arames, estacados de madeira ou metálicos), adaptándonos ás condicións do terreo e ás necesidades da explotación.
Buscamos un peche resistente, funcional e de longa duración.
Encargámonos da retirada, transporte e aplicación do abono de forma segura e respectuosa co medio. Ademais, limpamos esterqueiras e fosas para evitar acumulacións que poidan causar problemas sanitarios ou legais.
Axudámosche a manter a túa granxa en orde e en cumprimento coa normativa vixente.
Ofrecemos servizo de corte, recollida e preparación de leña para o seu uso doméstico.
Facilitamos un aproveitamento da madeira dispoñible e entregamos a leña lista para o seu almacenamento e uso durante os meses máis fríos.
Preparamos o solo para novas colleitas. Realizamos labores de arado, gradeado e sementeira, sempre adaptados ao tipo de cultivo e ao estado da terra.
O obxectivo é conseguir un terreo fértil, ben preparado e produtivo.
Dámosche apoio en todas as fases da produción: desde a prantación ata a recollida final. Traballamos con cultivos habituais como patacas, millo e produtos da horta.
Axudámosche a facer máis sinxelo o traballo.
